ఎంత మంచివాడవురా!

క‌ల్యాణ్ రామ్‌కి జోడీగా మెహ్రీన్ నటిస్తోంది. ఈ చిత్రం ద్వారా ఆదిత్యా మ్యూజిక్‌ సంస్థ తొలిసారిగా నిర్మాణ రంగంలోకి అడుగుపెట్టడం విశేషం. ఆదిత్యా మ్యూజిక్ ఇండియా ప్రైవేట్ లిమిటెడ్ పతాకంపై ఉమేష్ గుప్తా, సుభాష్ గుప్తా ఈ సినిమాను నిర్మించారు. గోపీ సుందర్ మ్యూజిక్ అందించిన ఈ చిత్రం మంచి అంచనాలతో నేడు థియేటర్స్‌లో విడులైంది. ఒకవైపు సంక్రాంతి కానుకగా విడుదలైన దర్బార్, సరిలేరు నీకెవ్వరు, అల వైకుంఠపురములో చిత్రాలు హిట్ టాక్ సాధించడంతో నందమూరి హీరో సినిమాపై ప్రేక్షకులు ఆసక్తిగా ఎదురుచూస్తున్నారు. ఇక టీజర్, ట్రైలర్‌లతో మంచి ఫ్యామిలీ ఎంటర్ టైనర్ మూవీ అనిపించుకున్న ‘ఎంత మంచివాడవురా!’ యూఎస్‌ఏలో ప్రీమియర్స్ షోలు పడ్డాయి. ట్విట్టర్ వేదికగా ‘ఎంత మంచి వాడవురా!’ ఎలా ఉందో తమ అభిప్రాయాలను వ్యక్తపరుస్తున్నారు ప్రేక్షకులు. Also Read: కళ్యాణ్ రామ్ ‘ఎంత మంచివాడవురా!’ ఫ్యామిలీ ఆడియన్స్‌ని మెప్పించేలా చాలా డీసెంట్‌గా ఉందని కొందరు అంటుంటే.. అస్సలు బాలేదని మరికొంతమంది ట్వీట్స్ చేస్తున్నారు. ఫస్టాఫ్ పూర్తైందని చాలా డీసెంట్‌గా ఉందంటున్నారు. ఇక యుఎస్‌ఏ రిపోర్ట్ ప్రకారం కళ్యాణ్ రామ్ కూడా సంక్రాంతి బరిలో విజయాన్ని అందుకున్నారని ట్వీట్స్ చేస్తున్నారు. నందమూరి ఫ్యాన్స్ అయితే అన్నిచోట్ల నుండి ‘ఎంత మంచి వాడవురా!’ బెనిఫిట్ షోస్ అన్నీ హౌస్ ఫుల్ అంటూ వరుస ట్వీట్స్ చేస్తూ కళ్యాణ్ రామ్‌కి మంచి బూస్టింగ్ ఇస్తున్నారు. మరోవైపు సంక్రాంతి బరిలో డిజాస్టర్‌ కా బాప్ అంటూ మరికొంత మంది ఈ సినిమాపై నెగిటివ్ అభిప్రాాయాన్ని వ్యక్తపరుస్తున్నారు. ఈ సినిమా చూడటం కష్టమే. ఒక్క సీన్ కూడా బాలేదు. ఎక్కడైనా హైప్ వచ్చే సీన్ వస్తుందేమో అని చూశాం కాని సినిమాలో ఏం లేదు. కాస్త పాజిటివ్ ఏమైనా ఉందంటే అది వెన్నెల కిషోర్ రోల్ మాత్రం. టైం వేస్ట్ మూవీ. సంక్రాంతి సీజన్‌లో ఫస్ట్ ఫ్లాప్ అంటూ నిరుత్సాహం వ్యక్తం చేస్తున్నారు ప్రేక్షకులు. ఇంకా తెలుగు రాష్ట్రాల్లో ఇంకా షో బినిఫిట్ షోలు పూర్తికాకపోవడంతో అసలైన టాక్ రావాల్సి ఉంది. గమనిక: ఈ రేటింగ్ ప్రస్తుతం సోషల్ మీడియాలో వస్తున్న రెస్పాన్స్‌ ఆధారంగా ఇచ్చినది. పూర్తి రివ్యూ వచ్చిన తరువాత రేటింగ్‌ మారే అవకాశం ఉంది.

from New Telugu Movie Reviews | Latest Telugu New Movies | Tollywood News in Telugu ref=da&site=blogger">IFTTT